Nënkryetari i Partisë Demokratike Edi Paloka tha se mazhoranca është e përfshirë nga frika dhe për këtë arsye është një mazhorancë që ka bllokuar dhe punimet e parlamentit. Paloka u shpreh se duhet të ndëshkohen të gjithë deputetët që thyen rregulloren e Kuvendit, duke nisur që nga ata socialistë.
“Mazhoranca është në situatë frike. Parlamenti është bllokuar prej gati 1 orë. Incidenti që ndodhi kishte shkaktar deputetët e mazhorancës, të cilët thyejnë rregullisht dhe janë dy deputetë tipikë, Balla e Braçe dhe pikërisht gjithmonë kur flet ish-presidenti dhe ish-kryeministrit. Kryetarja u bë qesharake kur tha se e pashë në Kuvend që Noka e ka gjuajtur Braçen dhe nuk e ka Braçen që shau.
Kërkesa jonë është që të përjashtohen të gjithë ata deputetë që thyen rregulloren, duke nisur që nga deputetët socialistë. Kryetari i kësaj mazhorance ka frikë dhe nuk vjen prej 1 muaji në Kuvend dhe u jep porosi këlyshëve të tij, të cilët nuk zbatuan as porositë e kreut të grupit parlamentar që u kishte thënë të mos provokonin. Kjo është një mazhorancë që ka bllokuar parlamentin”, deklaroi Paloka
