Tenori spanjoll, Placido Domingo ka rezultuar pozitiv me kornavirus.
Lajmin e ka bërë të ditur vetë artisti nëpërmjet një postimi në Facebook ku shkruan se e ndjej si një detyrë morale t’ju njoftoj që kam rezultuar pozitiv me COVID-19.
“E ndjej si një detyrë morale t’ju njoftoj që kam rezultuar pozitiv me koronavirusin. Unë dhe familja ime do të qëndrojmë në vet-izolim për të gjithë periudhën e nevojshme mjekësore. Aktualisht jemi të gjithë mirë, por unë kam pasur simptoma si temperaturë dhe kollë dhe vendosa të bëj testin dhe dola pozitiv”, shkruan tenori në Facebook.
Kujtojmë se Spanja është vendi i tretë më i goditur nga koronavirusi pas Kinës dhe Italisë me 28.572 të infektuar dhe 1.720 të vdekur nga shpërthimi i virusit Covid-19.
