Në 2015 edhe 85 padi të reja kundër Autoritetit Rrugor
Kompanitë e ndërtimit të rrugëve dhe bizneset e tjera që janë të lidhura me sektorin janë përfshirë në konflikte gjyqësore si asnjëherë më parë me Autoritetin Rrugor Shqiptar. Sipas të dhënave nga ARRSH vetëm gjatë vitit 2015 janë hapur 85 çështje gjyqësore të reja përveç atyre të mbartura nga viti paraardhës, të cilat janë në gjykim ne shkallën e parë dhe në Apel. Sipas dhënave zyrtare, gjatë 2015 ARRSH ka fituar 25 çështjedhe ka humbur 15. Për 2015 janë paguar 104,5 milionë lekë për cështjet e humbura. Ndërkohë të bartura janë edhe 4.7 milionë euro. Kompanitë e kanë paditur ARRSH me pretendimet se tenderat janë fituar nga kompani që kanë dhënë vlerën më të lartë pa e justifikuar këtë me kritere teknike.
