Ofrohet për 99 vjet, për park industrial 1 e 5 e sipërfaqes së mëparshme
Ministria e Ekonomisë hap tender të ri për ndërtimin e zonës industriale në Spitallës. Gara e re do të zhvillohet për një të pestën e sipërfaqes që ishte planifikuar të jepej me tenderin e parë tashmë të dështuar. Specifikat e reja të tenderit përcaktojnë sipërfaqen 101 hektare, nga rreth 500 hektarë që ishin në tenderin e kaluar. “Si fazë e parë, të përzgjidhet zhvilluesi për një sipërfaqe prej 101.2 hektarw” thuhet në kriteret e reja të tenderit.
Për të lehtësuar zhvillimin e kësaj zone si një park industrial në shërbim të biznesit të huaj, zona është rikualifikuar në tender për vetëm një euro për një periudhë 99 vjeçare. Shqipëria është i vetmi vend në Rajon që nuk po zhvillon një zonë industriale, ndërsa investitorët e huaj e kanë cilësuar këtë një faktor pengues për të ushtruar aktivitet në Shqipëri. Aktualisht Spitalla është në kushtet më të mira për të funksionuar në shërbim të bizneseve, për shkak se është e pajisur me infrastrukturë si rrugë, energji dhe ujësjellës.
Zona e Spitallës është 6.6 kilometra larg portit të Durrësit dhe rreth 30 km larg aeroportit Nënë Tereza.
Vitin e kaluar ishte planifikuar që për ndërtimin e zonës industrial në Spitallë të jepeshin 500 hektarëve. Po tenderi u anulua nga ministria e ekonomisë për shkak të mangësive në dokumentacionin e paraqitur në garë nga dy kompanitë pjesëmarrëse mes të cilave njëra ishte kineze.
