Një telefonatë për të shtëna me armë zjarri pranë Prokurorisë vuri në lëvizje policinë e Shkodrës mëngjesin e sotëm. Efektivët e policisë nisën punën për të zbuluar se çfarë kishte ndodhur.
Policia e Shkodrës bën me dije se deri tani nuk rezulton të ketë ngjarje me armë e as të lenduar e viktima, ndërsa shton se ka pasur vetëm një konflikt fizik e verbal midis dy bashkëshortëve.
“Në Shkodër, në sallën operative te DVP Shkodër ka ardhur një telefonatë për të shtëna me armë zjarri në afërsi të Prokurorisë. Shërbimet e Policisë kane shkuar menjëherë në vendngjarje dhe nga krehja e zonës nga shërbimet e Policisë deri tani nuk rezulton të ketë ngjarje me armë e as të lënduar e viktima. Shërbimet e Policisë po vijojnë krehjen e zonës, për të zbardhur telefonatën, që rezulton deri tani e pavërtete, pasi ka pasur vetëm një konflikt fizik e verbal midis dy bashkëshorteve që po shoqërohen në Komisariat për sqarime e mëtejshme”, njofton policia.
