Para se të niste gara brenda republikanëve për të zgjedhur kandidatin për president, miliarderi Donald Trump shihej si favorit.
Sondazhet tregonin se ai do të fitonte ndaj rivalëve brenda partisë.
Por, Trump është rrëzuar në mënyrë të papritur që në betejën e parë.
Senatori Ted Cruz mundi miliarderin Donald Trump në votimet e shtetit Ajova.
Ligjvënës konservator nga Teksasi, mori 28 përqind të votave, krahasuar me 24 përqind të zotit Trump.
Marco Rubio i Floridës doli i treti me 23 për qind.
Rezultat, që u komentua si i papritur për shumë analistë.
Por kush është Ted Cruz?
Ai është kanadezo-amerikan i lindur në 22 dhjetor 1970 në Calgara, Alberta, në Kanada.
45-vjeçari prej janarit 2013 është senatori i Teksasit.
Është i martuar me Heidi Nelson dhe ka dy fëmijë.
Ka studiuar në Universitetin e Prinston, dhe më pas në Harvard, për drejtësi.
Më herët ai ka punuar në Komisionin Federal të Tregtisë dhe ka qenë zëvendësprokuror i përgjithshëm.
Cruz ka këshilluar George Ë. Bush gjatë fushatës presidenciale të vitit 2000.
Është i krishterë dhe ndjeks shumë shpesh meshat, në Hjuston.
Ai është kundër aborteve, mbështet dënimin me vdekje dhe është kundër pages minimale, ndërsa mbështet një taksë të sheshtë.
Sipas BBC, nëse do të zgjidhej, ai do jetë Presidenti më konservator i erës moderne.
Cruz është kundër marrëveshjes bërthamore me Iranin dhe do të kthejë mbrapsht reformën shëndetësore të Presidentit Obama.
