Deputetja e Partisë Demokratike, në një intervistë për emisionin “Opinion”, Grida Duma, është shprehur se PD duhet të krijojë një bord drejtimi, që duhet të marrë kompetencat e Kryetarit. Duma tha se ky bord drejtimi duhet të ketë në përbërje qoftë ata që iu bashkuan Foltores.
“Na duhet të krijojmë një bord drejtimi, që duhet të marrë kompetencat e Kryetarit. Ky bord drejtimi duhet të ketë në përbërje qoftë ata që iu bashkuan Foltores, qoftë të tjerë që mbetën në siglën e PD. Mendoj se bordi duhet të ketë një mandat 4-5 mujor dhe më pas të kalohet në zgjedhjen e një lideri të ri” – tha Duma.
