Një atentat me armë zjarri ka tronditur vendin mbrëmjen sotme. Burime paraprake bëjnë me dije se një 48- vjeçar i identifikuar me emrin Arben Maneci është qëlluar për vdekje.
Maneci ka ndërruar jetë rrugës për në spital si pasojë e plagëve të rëndë të marra në trup.
Gijotina.com raporton se Maneci është një person i njohur për policinë pasi viktima rezulton me precedent penale në fushën e narkotikëve.
Kjo është pista paraprake e atentatit, pra prishja e pazareve të drogës.
Nuk dihet ende sesa autorë kanë marrë pjesë në këtë ngjarje të rëndë, por mësohet se drejt Manecit është qëlluar me më shumë se dy plumba ky dy prej tyre kanë depërtuar në turp duke i shkaktuar të riut vdekjen rrugën për tek spitali i rajonal i Durrësit.
Policia ka shkuar në vendin e ngjarjes për të zbardhur të plotë dinamikën e atentatit, ndërsa janë ngritur postoblloqe në hyrje-daljet kryesore të qytetit të Durrësit, për kapjen e autorëve.
Theksojmë sërish se 48-vjecari dyshohet se është vrarë për prishje të pazareve të drogës pasi rezulton si person me precedentë të mëparshëm kriminalë në fushën e narkotikëve.
