Ish-kryeministri Sali Berisha ka publikuar sot një tjetër mesazh denoncimesh i cili flet për një situatë krejt të pazakontë që po ndodh në qytetin e Peshkopisë.
Në mesazhin e një qytetari dibran, shkruhet se një grup i madh të rinjsh qëndrojnë rrugëve të qytetit deri në orët e vona të natës për t’u droguar ndërkohë që flitet edhe për një rast përdhunimi.
Mesazhi i plotë:
“Drogë dhe krime, tentativa për përdhunim në Peshkopi! Gjeneral Hashashi, Ardi Eskobari, narkopolicët e tyre bëjnë sehir!”, shkruan ish kryeministri Sali Berisha, ndërsa publikon edhe mesazhin e qytetarit digjital.
“Përsh. Zoti Berisha unë që po ju shkruaj jam nga Peshkopia doja të bëja një denoncim ne peshkopi gjatë natës mbushet plot me çuna të rinj që rrinë rrugëve duke konsumuar drogë dhe hashash dhe që policia e Peshkopisë as që e merr për bazë fare këtë fenomen. Sot në mëngjes u tentua të përdhunohet një femër punonjëse e pastrimit të bashkisë nga disa të ri të droguar! Nuk ka fare kontroll për këto të rinj që rrinë rrugëve duke u droguar! Është njoftuar edhe ministri Lleshi por policia fle gjumë”.
