Më 1 qershor maturantët iu nënshtruan provimit të parë të maturës shtetërore, atij të gjuhës së huaj, dhe tashmë kanë në duar rezultatet.
Sipas statistikave kalueshmëria për këtë vit është 96%. Por ndonëse matura e 23-shit vjen me risi, ka ekspertë të arsimit të cilët janë të mendimit se matura duhet ti rikthehet skemës së dhënies së provimeve me shkrim dhe me gojë.
“Mënyra e organizimit të Maturës Shtetërore në gjithë këto vite ka rezultuar që nuk është e duhura dhe nuk është turp që ne t’i rikthehemi dhe njëherë mënyrës se si zhvilloheshin më përpara provimet e maturës në gjimnaze. Të zhvillohen në shkolla, me mësuesit e shkollës, nën përgjegjësinë e drejtorit të shkollës dhe të inspektorit që i mbulon dhe të rinjtë kishin mundësinë të shpreheshin si me shkrim dhe me gojë. Pra vetëm testi i penalizon në një farë mënyrë ata që duan ose kanë mundësi për tu shprehur dhe nga ana tjetër nuk na ndihmon ne për të arritur një nga synimet që ka edukimi në këtë periudhë, të menduarit kritik. Ne kemi të rinj që nuk janë në gjendje të formulojnë një koncept shkencor”, tha ekspertja e arsimit, Valbona Nathanaili.
Temë diskutimi për maturën shtetërore në vitet e fundit është kthyer erdhe dalja e tezës ndërkohë që zhvillohet provimi. Ndonëse publikisht është folur për penalizime nga ministria e arsimit, nuk ka pasur asnjë konkretizim.
“Dalja e tezës është shqetësuese sigurisht por ne nuk mund të mohojmë që në gjithë këtë sistem kaq të madh do ketë gjithmonë njerëz të papërgjegjshëm që do ta bëjnë këtë punë. Nga ana tjetër më shqetëson fakti që ndonëse është një ngjarje e përsëritur asnjëherë nuk kemi mundur të kapim autorët e këtyre ngjarjeve. Sigurisht është e vështirë por nëse do punohet jo me penalizime por në rritjen e ndërgjegjes dhe këtu kam parasysh ndryshimin e formës së zhvillimit të maturës shtetërore, ngjarje të tilla mendojë se do të ishin më të rralla dhe jo kaq me pasoja për gjithë maturën”, shtoi ekspertja.
Teksa janë në pritje të rezultateve të provimit të Gjuhës shqipe dhe Letërsisë, të martën maturantët do ti nënshtrohen provimit të Matematikës dhe do ta përfundojnë ciklin me lëndën me zgjedhje në 19 qershor.
Më 1 qershor maturantët iu nënshtruan provimit të parë të maturës shtetërore, atij të gjuhës së huaj, dhe tashmë kanë në duar rezultatet.
Sipas statistikave kalueshmëria për këtë vit është 96%. Por ndonëse matura e 23-shit vjen me risi, ka ekspertë të arsimit të cilët janë të mendimit se matura duhet ti rikthehet skemës së dhënies së provimeve me shkrim dhe me gojë.
“Mënyra e organizimit të Maturës Shtetërore në gjithë këto vite ka rezultuar që nuk është e duhura dhe nuk është turp që ne t’i rikthehemi dhe njëherë mënyrës se si zhvilloheshin më përpara provimet e maturës në gjimnaze. Të zhvillohen në shkolla, me mësuesit e shkollës, nën përgjegjësinë e drejtorit të shkollës dhe të inspektorit që i mbulon dhe të rinjtë kishin mundësinë të shpreheshin si me shkrim dhe me gojë. Pra vetëm testi i penalizon në një farë mënyrë ata që duan ose kanë mundësi për tu shprehur dhe nga ana tjetër nuk na ndihmon ne për të arritur një nga synimet që ka edukimi në këtë periudhë, të menduarit kritik. Ne kemi të rinj që nuk janë në gjendje të formulojnë një koncept shkencor”, tha ekspertja e arsimit, Valbona Nathanaili.
Temë diskutimi për maturën shtetërore në vitet e fundit është kthyer erdhe dalja e tezës ndërkohë që zhvillohet provimi. Ndonëse publikisht është folur për penalizime nga ministria e arsimit, nuk ka pasur asnjë konkretizim.
“Dalja e tezës është shqetësuese sigurisht por ne nuk mund të mohojmë që në gjithë këtë sistem kaq të madh do ketë gjithmonë njerëz të papërgjegjshëm që do ta bëjnë këtë punë. Nga ana tjetër më shqetëson fakti që ndonëse është një ngjarje e përsëritur asnjëherë nuk kemi mundur të kapim autorët e këtyre ngjarjeve. Sigurisht është e vështirë por nëse do punohet jo me penalizime por në rritjen e ndërgjegjes dhe këtu kam parasysh ndryshimin e formës së zhvillimit të maturës shtetërore, ngjarje të tilla mendojë se do të ishin më të rralla dhe jo kaq me pasoja për gjithë maturën”, shtoi ekspertja.
Teksa janë në pritje të rezultateve të provimit të Gjuhës shqipe dhe Letërsisë, të martën maturantët do ti nënshtrohen provimit të Matematikës dhe do ta përfundojnë ciklin me lëndën me zgjedhje në 19 qershor.
