INSTAT: 50 për qind e ndërmarrjeve merren me tregëti
Ekonomia shqiptare gjithnjë e më shumë po orientohet nga tregtia. Të nxitur nga një fitim sa më i shpejtë shqiptarët nuk e shohin më të vlefshëm investimin dhe punën në prodhim e përpunim. Roprti më i fundit i INSTAT për strukturën e ndërmarrjeve ka nxjerrë se rreth 50 përqind e ndërmarrjeve që operojnë në ekonominë shqiptare janë ndërmarrje tregtare. Ky përqëndrim në tregti përvec parave në xhep brenda sitës nuk sjell tjetër të mirë për faktin se pa prodhimin një ekonomi është e destinuar të mbetet e dobët. Sipas raportit të INSTAT në aktivitetin prodhues të ekonomisë shqiptare operojnë vetëm 19 për qind e numrit të përgjithshëm të ndërmarrjeve.
Por numri i ndërmarrjeve të vërteta prodhuese është edhe më i vogël nëse marrim parasyshë faktin se INSTAT përfshin aty edhe fasonët, të cilët punojnë me lëndë të parë krejtësisht të importit dhe që njëkohësisht kanë edhe numrin më të lartë të të punësuarve në vend. Një e dhënë tjetër I situatës së rëndë të prodhimit “Made in Albania” është edhe shifra që jep INSTAT, sipas të cilit
sektori i industrisë përpunuese ka pasur normën më të lartë të rënies të numrit të ndërmarrjeve aktive, me rreth 11.3 për qind.
