Pas stuhisë dhe rreshjeve të dendura të mbrëmjes së djeshme, disa qytete po vuajnë përmbytjet.
Një banor i njësisë administrative Bubq deklaron se zona ku ai jeton është e përmbytur dhe nuk di nga të shkojë.
Denoncimin, qytetari e ka bërë përmes Facebook-ut të ish kryeministrit Sali Berisha.
“Banorët e Bilajt të përmbytur dhe të harruar! Lexoni mesazhin dhe shikoni videon e qytetarit të përmbytur dixhital”, shkruan Berisha.
“Përshëndetje dr. Fshati Bilaj, Qendra Administrative Bubq. Jemi të rrethuar, nuk dimë nga të shkojmë”, shkruan qytetari në denoncimin e tij.
Ndërkohë kujtojmë se ministrja e Mbrojtjes Olta Xhaçka deklaroi sot se çdo qytetar po merr asistentë nga organet kompetente, ndërsa situata është thuajse e tejkaluar.
https://www.facebook.com/SaliBerisha/videos/404581476916206/?t=4
