Egnatia është gati për sprintin final të sezonit, teksa pret të sigurojë sa më shpejt Europën nga kampionati dhe më pas të ruajë të gjitha energjitë për finalen e Kupës së Shqipërisë, që do të luhet më 1 qershor kundër Tiranës. Në një intervistë për “Panorama Sport”, trajneri Edlir Tetova foli para ndeshjes me Erzenin, që do të luhet sot në orën 16:00 në stadiumin e Rrogozhinës. Ai pret reagimin e skuadrës pas asaj humbje ndaj Kastriotit në “Elbasan Arena”.
Edlir, pas një ecurie pozitive erdhi humbja me Kastriotin. A mund ta quajmë të papritur këtë ndalesë?
Mendoj se humbja me Kastriotin erdhi për shkak se bukurinë ndeshjes ia prishi kartoni i kuq që mori Malota. Për shumë kohë luajtëm me një lojtar më pak dhe në ato kushte ishte e vështirë për të prodhuar lojën tonë të zakonshme, sepse na duhej të mendonim edhe për mbrojtjen. Më vjen keq që humbja nuk u evitua dot, por shohim përpara.
Kanë mbetur edhe tri ndeshje, teksa të radhës të dielën me Erzenin e luani në Rrogozhinë. Si po e përgatisni këtë sfidë?
Kemi një ndeshje shumë të fortë ndaj një ekipi që ka bërë shumë mirë deri tani, por që vetëm në javët e fundit është përfshirë nga luhatjet, që janë normale në një garë kaq të gjatë. Përgatitjet tona janë të qarta, për të hyrë në fushë dhe për të marrë maksimumin.
Një mungesë e deklaruar është Malota. A keni ndonjë problem tjetër?
Mungon Malota prej kartonit të kuq, por pjesa tjetër e futbollistëve janë të gjithë të gatshëm. Kjo na mundëson të bëjmë zgjedhjen e një formacioni që do të sakrifikojë fort në fushë të dielën, për të siguruar fitoren dhe për t’u afruar me objektivin historik: Europën.
Çfarë duhet të korrigjojë skuadra në këtë takim?
Ajo që ne do të kemi në vëmendje është përqendrimi maksimal dhe luajtja me sa më pak gabime. Vetëm kështu do t’ia dalim t’i rikthehemi rrugëtimit tonë të mirë që kemi pasur në gjithë javët që kanë kaluar.
Erzenin nuk e keni mundur asnjëherë këtë kampionat. Është ky çasti për ta thyer këtë “tabu”?
I kujtoj mirë të tria këto ndeshje. Ne kemi dominuar lojën, por rezultatet kanë folur kundër Egnatias. Do t’i kërkoj grupit ta menaxhojë sa më mirë ndeshjen për të shkuar logjikshëm drejt fitores.
Për vendin e tretë që e mban prej kohësh Egnatia, duket sikur edhe Vllaznia e Laçi po mbajnë ndezur ambiciet e tyre. Mendoni se Europën mund ta mbyllni që këtë javë?
Unë jam i fokusuar vetëm tek ecuria e punëve tek Egnatia dhe nuk merrem me llogarite e rivalëve tanë.
Kjo ngjeshje e kampionatit dhe fakti që më 1 qershor luani finalen e Kupës ndaj Tiranës, sa jua vështirëson?
Janë tri ndeshje para finales, ku Egnatia ka si synim të menaxhojë mirë energjitë. Të kemi gjithashtu top edhe anën psikologjike për të përballuar të gjitha sfidat e mbetura, ku bën pjesë edhe finalja e Kupës ndaj Tiranës. Ne synojmë ta sjellim trofeun në Rrogozhinë./PanoramaSport
Egnatia është gati për sprintin final të sezonit, teksa pret të sigurojë sa më shpejt Europën nga kampionati dhe më pas të ruajë të gjitha energjitë për finalen e Kupës së Shqipërisë, që do të luhet më 1 qershor kundër Tiranës. Në një intervistë për “Panorama Sport”, trajneri Edlir Tetova foli para ndeshjes me Erzenin, që do të luhet sot në orën 16:00 në stadiumin e Rrogozhinës. Ai pret reagimin e skuadrës pas asaj humbje ndaj Kastriotit në “Elbasan Arena”.
Edlir, pas një ecurie pozitive erdhi humbja me Kastriotin. A mund ta quajmë të papritur këtë ndalesë?
Mendoj se humbja me Kastriotin erdhi për shkak se bukurinë ndeshjes ia prishi kartoni i kuq që mori Malota. Për shumë kohë luajtëm me një lojtar më pak dhe në ato kushte ishte e vështirë për të prodhuar lojën tonë të zakonshme, sepse na duhej të mendonim edhe për mbrojtjen. Më vjen keq që humbja nuk u evitua dot, por shohim përpara.
Kanë mbetur edhe tri ndeshje, teksa të radhës të dielën me Erzenin e luani në Rrogozhinë. Si po e përgatisni këtë sfidë?
Kemi një ndeshje shumë të fortë ndaj një ekipi që ka bërë shumë mirë deri tani, por që vetëm në javët e fundit është përfshirë nga luhatjet, që janë normale në një garë kaq të gjatë. Përgatitjet tona janë të qarta, për të hyrë në fushë dhe për të marrë maksimumin.
Një mungesë e deklaruar është Malota. A keni ndonjë problem tjetër?
Mungon Malota prej kartonit të kuq, por pjesa tjetër e futbollistëve janë të gjithë të gatshëm. Kjo na mundëson të bëjmë zgjedhjen e një formacioni që do të sakrifikojë fort në fushë të dielën, për të siguruar fitoren dhe për t’u afruar me objektivin historik: Europën.
Çfarë duhet të korrigjojë skuadra në këtë takim?
Ajo që ne do të kemi në vëmendje është përqendrimi maksimal dhe luajtja me sa më pak gabime. Vetëm kështu do t’ia dalim t’i rikthehemi rrugëtimit tonë të mirë që kemi pasur në gjithë javët që kanë kaluar.
Erzenin nuk e keni mundur asnjëherë këtë kampionat. Është ky çasti për ta thyer këtë “tabu”?
I kujtoj mirë të tria këto ndeshje. Ne kemi dominuar lojën, por rezultatet kanë folur kundër Egnatias. Do t’i kërkoj grupit ta menaxhojë sa më mirë ndeshjen për të shkuar logjikshëm drejt fitores.
Për vendin e tretë që e mban prej kohësh Egnatia, duket sikur edhe Vllaznia e Laçi po mbajnë ndezur ambiciet e tyre. Mendoni se Europën mund ta mbyllni që këtë javë?
Unë jam i fokusuar vetëm tek ecuria e punëve tek Egnatia dhe nuk merrem me llogarite e rivalëve tanë.
Kjo ngjeshje e kampionatit dhe fakti që më 1 qershor luani finalen e Kupës ndaj Tiranës, sa jua vështirëson?
Janë tri ndeshje para finales, ku Egnatia ka si synim të menaxhojë mirë energjitë. Të kemi gjithashtu top edhe anën psikologjike për të përballuar të gjitha sfidat e mbetura, ku bën pjesë edhe finalja e Kupës ndaj Tiranës. Ne synojmë ta sjellim trofeun në Rrogozhinë./PanoramaSport
