Një gruaje të infektuar nga Covid-19 iu prenë tre gishta pasi virusi i shkatërroi enët e gjakut.
Fotografitë e tmerrshme të botuara në një revistë mjekësore treguan se si gishtat e 86-vjeçares u bënë të zeza.
Mjekët në Itali, të cilëve iu desh t’i prisnin gishtat, e quajtën rastin e saj një ‘manifestim të rëndë’ të koronavirusit.
Në shumë pacientë Covid-19 po shkakton dëme të mëdha në enët e gjakut, duke shkaktuar bllokime të rrezikshme të njohura si mpiksje gjaku.
Ndërsa ekspertët nuk janë të sigurt pse virusi i shkakton bllokimet, teoria mbizotëruese është se është rezultat i një reagimi të tepërt të imunitetit të quajtur ‘stuhi citokine’, e cila sheh trupin të sulmojë indet e shëndetshme.
Besohet se pacientja italiane kishte pësuar mpiksje gjaku, të cilat i ndërprenë furnizimin gishtave të saj.
Kur përgjigjja imune kalon në mbitension, ajo mund të dëmtojë indet e shëndetshme. Nëse preken enët e gjakut ato mund të rrjedhin, duke shkaktuar uljen e presionit të gjakut dhe rritjen e mundësisë së formimit të mpiksjeve.
Nuk është hera e parë që një pacient me Covid-19 ka nevojë për prerje të gishtave.
