Paolo Dibala është simboli i rilindjes së Juventusit, pas një fillimi të vështirë në kampionat.
Argjentinasi është duke shkëlqyer dhe kjo nuk ka mbetur pa u vënë re nga klubet e tjera.
Tashmë për 22-vjeçarin, klubet më të fuqishme janë gati të bëjnë çmendurira.
Mediat spanjolle thonë se Barcelona është gati të paguajë 80 milion euro, dyfishin e parave që Juventusi pagoi tek Palermo për ta blerë pak muaj më parë.
Por, në garë ka hyrë edhe Bajern Mynih.
Bavarezët, të cilët në verë mund të humbasin robert Levandovskin, që kërkohet nga Reali, i kanë hedhyr sytë pikërisht nga sulmuesi i Juventusit.
Ai pëlqehet shumë nga trajneri i ri Karlo Ançeloti dhe Bajerni është gati të ofrojë 60 milion euro.
Megjithatë, vështirë se Juventusi do të privohet nga sulmuesi i vet, që e bleu vetëm pak muaj më parë.
