Stivi Frashëri i ka dhënë fund aventurës me klubin e Ballkanit të Suharekës, me të cilin në dy vitet e fundit kishe lënë shenjë duke dhuruar paraqitje shumë të mira të kurorëzuara me dy tituj kampion. Por gardiani 32-vjeçar, i cili shpesh u bë protagonist edhe me pritje spektakolare në Conference League me fanellën e ekipit kosovar, duket se nuk është larguar me dëshirë nga “portokallinjtë ballkanikë”.
Duke folur për “KosovaPress”, ai ka akuzuar trajnerin Ilir Daja se ka qenë ai që ka vendosur veton për mosvijimin e marrëveshjes mes palëve, edhe pse kishte një akord parimor.
“Ç’është e vërteta e kemi biseduar shpesh pjesën e rinovimit dhe gjej rastin të falënderoj presidentin dhe njerëzit që janë afër tij dhe drejtorin sportiv Nderim Nexhipi. Për t’u habitur është fakti që pas disa bisedave gjetëm gjuhën e përbashkët në të gjitha pikat financiare për kontratën e re, por problemi i vetëm ka qenë sepse çuditërisht dhe pa asnjë shpjegim trajneri ka vendosur mos pëlqimin e tij në këtë marrëveshje dhe normalisht edhe pse nuk është hera e parë që ndodh kjo, unë si profesionist vendosa të largohem dhe uroj që klubi të ketë suksese sa më të mëdha. Pra nëse gjetëm gjuhën në të gjitha drejtimet, arsyen se pse dështoi edhe për mua është e panjohur”, ishin fjalët e Frashërit.
“Momentalisht do mundohem të qetësohem dhe të shijoj sa më shumë kohën me familjen time. Oferta ka si në Kosovë, si në Shqipëri, si dhe jashtë tyre, por që do mundohem të zgjedh me qetësi atë që është më e duhura për mua si në planin financiar ashtu edhe në atë profesional”, deklaroi portieri.
Stivi Frashëri i ka dhënë fund aventurës me klubin e Ballkanit të Suharekës, me të cilin në dy vitet e fundit kishe lënë shenjë duke dhuruar paraqitje shumë të mira të kurorëzuara me dy tituj kampion. Por gardiani 32-vjeçar, i cili shpesh u bë protagonist edhe me pritje spektakolare në Conference League me fanellën e ekipit kosovar, duket se nuk është larguar me dëshirë nga “portokallinjtë ballkanikë”.
Duke folur për “KosovaPress”, ai ka akuzuar trajnerin Ilir Daja se ka qenë ai që ka vendosur veton për mosvijimin e marrëveshjes mes palëve, edhe pse kishte një akord parimor.
“Ç’është e vërteta e kemi biseduar shpesh pjesën e rinovimit dhe gjej rastin të falënderoj presidentin dhe njerëzit që janë afër tij dhe drejtorin sportiv Nderim Nexhipi. Për t’u habitur është fakti që pas disa bisedave gjetëm gjuhën e përbashkët në të gjitha pikat financiare për kontratën e re, por problemi i vetëm ka qenë sepse çuditërisht dhe pa asnjë shpjegim trajneri ka vendosur mos pëlqimin e tij në këtë marrëveshje dhe normalisht edhe pse nuk është hera e parë që ndodh kjo, unë si profesionist vendosa të largohem dhe uroj që klubi të ketë suksese sa më të mëdha. Pra nëse gjetëm gjuhën në të gjitha drejtimet, arsyen se pse dështoi edhe për mua është e panjohur”, ishin fjalët e Frashërit.
“Momentalisht do mundohem të qetësohem dhe të shijoj sa më shumë kohën me familjen time. Oferta ka si në Kosovë, si në Shqipëri, si dhe jashtë tyre, por që do mundohem të zgjedh me qetësi atë që është më e duhura për mua si në planin financiar ashtu edhe në atë profesional”, deklaroi portieri.
