Misioni këmbëngul në heqjen e përjashtimeve nga taksat
Një rishikim në ulje i të ardhurave dhe heqja e përjashtimeve nga taksat janë dy temat e nxehta në bisedimet e nisura një ditë më parë mes qeverisë dhe misionit të FMN. Rishikimi i të ardhurave kërkohet nga qeveria, pasi nuk kanë qenë të parashikuara rëniet e mëdha në tregun e karburanteve. Ministria e Financave kërkon që në bazë të zhvillimeve të muajve të fundit, vecanërisht për karburantet ka nevojë që të rishikohen të ardhurat nga renta minerare, që aplikohet mbi naftën bruto të vendit, si edhe akcizat që vilen mbi karburantet, naftë, benzinë e nëprodukte të tjera që shiten në treg.
Bazuar në përllogaritjet e mësipërme e nevojshme do të jetë edhe rishikimi i TVSH, një taksë që aplikohet mbi cdo mall e shërbim të tregut. E ndërkohë që qeveria ka kërkesat e saj për misionin, përfaqësuesit e FMN këmbëngulin në kërkesën e tyre për heqjen e përjashtimeve të taksave për sektorë të caktuar, një kërkesë që autoritetet shqiptare është e papranueshme.
FMN kërkon heqjen në radhë të parë të përjashtimit të biznesit të vogël nga tatim fitimi i thjeshtuar, por njëkohësisht edhe për përjashtimet nga TVSH dhe taksat doganore. Ndërkohë misionin e FMN qeveria po e përdor edhe për një tjetër qëllim. Në përpjekje për të fituar një përkrahës në debatet me Croën Agents Ministria e Financave kërkon një përllogaritje të re të GDP-së për vitin 2015, që do të jetë bazë edhe për pagesat që do t’i bëhen kompanisë britanike.
