Ministria e Financave publikon treguesit e tremujorit të parë
Tre muajt e parë të 2016 rezultojnë të kenë qenë të “frytshëm” për administratën tatimore dhe doganore. Ministria e Financave, në publikimin e treguesve të periudhës janar mars raporton për tejkalim të planit të të ardhurave nga administrate fiskale. Në një njoftimi shtypi të shpërndarë nga kjo ministri thuhet se në total janë mbledhur 95.8 miliardë lekë të ardhura, ose afërsisht 1.4 miliard lekë më shumë se plani. Të detajuara në tatime e dogana rezultojnë të jenë:
Të ardhurat tatimore të grumbulluara 84,8 miliardë lekë, ose 12.4 miliardë lekë më shumë se planifikimi. Tejkalimi përllogaritet të jetë me mbi 17 për qind më shumë se një vit më parë ose 3.3 për qind më shumë se plani.
Të ardhurat e mbledhura në dogana janë 1.3 miliard lekë që do të thotë me një tejkalim të lahtë krahasuar me planin e tremujorit.
Në shifrat e detajuara sipas taksave përgjithësisht ka tejkalime, përveçe në rastin e të ardhurave të arkëtuara nga renta minerale që janë 536 milionë lekë ose reth 18 për qind më pak se një vit më parë. Mosrealizimi është shkaktuar nga rënia e ndjeshme e cmimeve të naftës dhe kromit në tregjet ndërkombëtare.
