Tani është edhe zyrtare.
Duke nisur nga sezoni i ardhshëm, Pep Guardiola do të jetë trajneri i ekipit të Mançester Sitit.
Kjo është komunikuar nga ana e ekipit britanik me anë të një komunikate për shtyp.
“Mançester Siti konfirmon se në javët e fundit ka nisur dhe finalizuar negociatat me Pep Guardiolën, i cili do të jetë trajneri i ekipit të parë nga sezoni 2016-2017.
Këto negociata kanë qenë një vazhdim i atyre të ndërprera në vitin 2012”, thuhet në komunikatën e ekipit britanik.
Aktualisht Siti drejtohet nga Manuel Pelegrini, që këtë sezon është në garë për të fituar të gjitha kompeticionet ku merr pjesë.
