Kryeministri Edi Rama ka komentuar bisedimet në Kretë mes ministrit të jashtëm Ditmir Bushati me homologun grek, Nikos Kotzias për zgjidhjen e çështjeve mes dy vendeve.
Gjatë mbledhjes së grupit parlamentar të PS, Rama tha se mes vendeve po hapet një kapitull i ri për të zgjidhur problemet.
“Greqia për ne është një partner strategjik. Ne na vjen mirë që më në fund palët janë në tryezë dhe diskutimi nuk bëhet me deklarata në distancë. Kam besim se këto çështje do adresohen deri në fund dhe mes dy vendeve do hapet një kapitull i ri. Shqipëria ka partneritet strategjik me Italinë, Turqinë dhe Greqinë”- tha Rama.
