Kryetari i Partisë së Lirisë, Ilir Meta gjatë takimit me strukturat e partisë së drejton në Durrës, është shprehur se korrupsioni po shkatërron të gjitha qytetet shqiptare dhe po zbras Shqipërinë.
Më tej, Meta është ndalur tek çmimet e larta në vend, duke e shpjeguar që vjen si pasojë e interesave të oligarkëve të cilët kanë monopolizuar çdo segment të tregut shqiptar.
Sipas ish-presidentit Meta, oligarkët jo vetëm po dëmtojnë konkurrencën por edhe ekonominë e shumë familjeje shqiptare.
“Shikoni se çfarë ndodh në shumë qytete të tjera. Ky aksion do të ketë një sukses të padiskutueshëm falë këmbënguljes sonë. Korrupsioni po shkatërron qytetet tona dhe po e zbraz Shqipërinë. Unë ju ftoj të rrisim forcën qytetare. Të gjitha ata që duan funksionimin e shtetit ligjor dhe të luftojmë çdo padrejtësi. Durrësi dhe me një vesë të lehtë përmbytet, edhe pse janë bërë investime.
Nuk janë bërë kanalizime. Po kështu, është për të ardhur keq se me këtë potencial të jashtëzakonshëm që ka si rrallë qytete të tjera, është në këtë situatë. Pse kushton më shumë më shumë një pjatë peshk në Durrës sesa në Kosovë?
Sepse janë interesa të mbyllura të individëve të caktura. Ndryshojnë ligjet, dhe dëmtojnë konkurrencën dhe shumë familje që jetojnë me këtë aktivitet janë në vështirësi. Pra, monopolet në çdo fushë bëjnë që të kemi këtë ekonomi në çdo fushë. “
