Saimir Tahirit nuk i lejohet të udhëtojë jashtë Shqipërisë. Pas kërkesës së Prokurorisë mëngjesin e kësaj të marte, Gjykata e Krimeve të Rënda ka bllokuar pasaportën e ish-ministrit të Brendshëm.
Në vijim të hetimeve për dosjen “Sota”, Tahirit i ndalohet dalja jashtë vendit për një periudhë të pacaktuar.
Ky vendim i Gjykatës së Krimeve të Rënda i është shpërndarë policisë në pikat e kalimit kufitar. Krahas pasaportës, Tahirit i është bllokuar edhe karta e identitetit, duke bërë të pamundur edhe udhëtimin e tij drejt vendeve fqinje si Maqedoni, Mali i Zi apo dhe Kosovë.
Ndaj Sajmir Tahirit është vendosur detyrimi për t’u paraqitur pranë Prokurorisë. Shkaku i kësaj kërkese janë bërë disa mesazhe në aplikacione What’sApp që janë gjetur në celularin e Orest Sotës.
Tahiri është në hetim nga Prokuroria edhe për akuzat si i implikuar në trafikun ndërkombëtar të drogës i kryesuar nga Habilajt.
Pak ditë më parë, Tahiri udhëtoi në drejtim të Gjermanisë ku tha se vizitoi babain e tij i cili kurohet në një prej klinikave të specializuara atje për një sëmundje të rëndë.
