Pasi rezultoi i përfshirë në përgjimet e publikuara nga e perditshmja gjermane Bild, ish ministri i brendshëm Saimir Tahiri ka reaguar përmes një statusi në facebook.
“Ndjesë çdo qytetari për fjalorin aspak të përshtatshëm që u dëgjua në një bisede private ku merrja pjesë. Shumë nga këta që bëjnë moral në politikë, media e portale, fjalorin e atillë e shumë më tepër se aq e kanë të shkruar në ballë në vendime qeverisë, në akte publike a sjelljë të përditshme, përsëri ç’u dëgjua prej meje nuk përputhet kërkund me vlerat që duhet të tregojmë, qoftë edhe në jetën a bisedat private. Përpos kësaj, biseda nuk ka lidhje aspak me vjedhjen e votave, blerjen e zgjedhjeve apo çdolloj manipulim tjetër, e po kështu asnjë veprim i imi, në një fushatë si ajo e Dibrës ku nuk kam marrë pjesë asnjë ditë, në cilëndo mënyrë. Përkundrazi, agresorët e atëhershëm me armë në brez edhe në zgjedhjet e Dibrës, sot kanë veshur lëkurë qingji e duan të të rrjepin të gjallë. Ndaj mos harro kurrë! Ata që bëjnë moral sot, të kanë vrarë shpirtin e trupin dje! Ata që bërtasin sot për moral, të kanë vjedhur në xhep dje. Ata dje e skuthat sot, duan ende të të vrasin shpirtin e të të vjedhin keq e më keq, bashkë me të ardhmen e fëmijëve! Ndjesë sinqërisht për fjalorin!” Përfundon Tahiri.
