Ministri i Brendshëm Saimir Tahiri tha dje se nuk ka asnjë njohje me Emiljano Shullazin. “Unë nuk kam asnjë lidhje me këtë person. Unë jam shprehur edhe ne Parlament për këtë çështje. Nëse dikush ka dyshime le të ngrejë një komision hetimor”, tha Tahiri.
Në një intervistë në “Opinion” Tahiri tha se Policia nuk ka refuzuar të ekzekutojë një udhër ndalimi të dalë nga Prokuroria, ku thuhet se vetëm për këtë fakt Drejtori i Përgjithshëm i Policisë është thirrur natën në zyrën e Prokurorit të Përgjithshëm.
“Policia e Shtetit nuk ka refuzuar kurrë asnjë urdhër të asnjë prokurori. Nëse do të ndodhte kjo do të ishte e kundraligjshme dhe prokurori do të niste një procedim penal minimumi për shpërdorim detyre…”, ka theksuar Tahiri.
Ministri i Brendshëm tha gjithashtu se nuk e njeh Klemend Balilin, i shpallur në kërkim ndërkombëtar nga autoritetet greke. Gjatë një interviste në emisionin “Opinion”, ministri tha se nuk ishte punonjës policie për ta ditur se kush ishte Balili.
I pyetur nëse e njeh personalisht Klemend Balilin, Tahiri është përgjigjur se nuk e ka njohur asnjëherë. “Po ta kisha njohur do ishte më mirë se SHQUPI do të thoshte se u arrestua ortaku i Saimir Tahirit, ndërsa unë do ti thosha bravo policisë”. Sipas ministrit, institucioni që drejton i kërkoi Prokurorisë arrestimin e Kelmend Balilit por nuk morën autorizim. Ndër të tjera Tahiri i mohon akuzat e opozitës se ka njohje me Balilin dhe gjithashtu e cilëson operacionin ndaj këtij të fundit si një shembull ndëshkueshmërie.
