Ministri i Brendshëm i bashkohet qytetarëve në Kombinat, kundër drejtorit të UKT-së. I kërkon kryebashkiakut Veliaj zgjidhje të menjëhershme
Ministri i Brendshëm, Saimir Tahiri, ka protesuar bashkë me qytetarët e Kombinatit në Tiranë kundër mbifaturimit të ujit nga drejtoria e Ujësjellës Kanalizimeve të kryeqytetit. Mes protestuesve Tahiti argumentoi pse qytetarët kanë të drejtë dhe ka këkruar nga kryetari i Bashkisë, Erjon Veliaj, të zgjidhë menjëherë problemin.
“Protestë e drejtë për një abuzim që do ndreqet menjëherë. Faleminderit banoreve te kombinatit. Me këta njerëz protestoja në opozitë, atehere kur qeveria nuk kishte as sy e as vesh. Sot protesta ishte e drejte, për një abuzim skandaloz të UKT. Unë isha prap aty e aty do jem përherë. Sot qeveria ka edhe sy, edhe veshë për të zgjidhur problemet e qytetarëve. Mbifaturimi abuziv duhet te marre fund menjehere. E ne qofte abuzim i qellimshem, dikush duhet te mbaje pergjegjesi penale. Fola me kryetarin e Bashkise Tirane, dhe me premtoi anullimin e faturave abuzive dhe zgjidhjen e problemit nje here e mire. Proteste e drejte, per nje kauz te drejte, qe do zgjidhet shume shpejt. Faleminderit edhe nje here banoreve te Kombinatit”, tha Tahiri.
Prej disa ditësh, qytetarët e Tiranë kanë vazhduar protestën e tyre në dyert e UKT-së për mbifaturimin abuziv të tyre nga punonjësit e këtij institucioni. Raste të shumta të ankesave të qytetarëve pranë dyerve të UKT-së, ende nuk kanë marrë përgjigje nga drejtori i emëruar së fundmi, Neritan Gjodeshi.
