Ish-deputetja e PD-së Jorida Tabaku ka reaguar pas dorëheqjes nga detyra të drejtoreshës së ARRSH-së, Sonila Qato.
Tabaku shprehet vendimi për dorëheqjen e Qatos është firmosur që dje, ndërsa është publikuar sot për të mbuluar zhurmën e madhe të vendimit për Saimir Tahirin.
Tabaku thekson se çdo aferë korruptive do t’i bëhet e njohur publikut dhe se nesër PD do të sjellë prova për skandalin që e detyroi Qaton të largohet.
Postimi i Tabakut:
Me parimin një vjedhje të madhe mbuloje me një zhurmë më të madhe, Edi Rama, largoi nga detyra drejtoreshën e Agjencisë së Rrugëve, Sonila Qato 1 orë përpara se gjykata të marrë vendimin për Saimir Tahirin. Një dorëheqje që ka qenë gati që dje e firmosur!
Edi Rama po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, i Belinda Ballukut dhe i kompanive me të cilat, Rama, bashke me to, vjedh shqiptarët!
Asgjë nuk do të harrohet! Çdo aferë korruptive do t’i bëhet e njohur publikut! Partia Demokratike do të sjellë që nesër prova për skandalin që detyroi Sonila Qaton të largohet.
Vetëm Elbasani, makthi i Ramës dhe oksigjeni i Berishës
E nëse Elbasani i Superiores do tentojë deri në infinit të hyjë në Final 4 (shumë shumë e vështirë), e...