Në momentin më të bukur, Barcelona ndalet. Të paktën në Europa League, katalanasit nuk arrijnë të bëjnë dot asgjë pasi përballë kishin një skuadër shumë të etur dhe konkrete si Eintracht Frankfurt të cilët në fund fituan 3-2. Sfida e parë kishte përfunduar 1-1, ndeshje e cila ekipi spanjoll nuk u paraqit në nivelin e duhur.
Goli i parë do vinte pas 4 minutash lojë, Kostiç do shënonte nga penalltia, duke u treguar tejet i saktë. Topi në njërën anë, Ter Stegen në tjetrën, me tifozët e ekipit të Glasmer që festojnë në mënyrë të ligjshme tashmë. Gjermanët do tregonin karakter në minutën e 36-të. Borre shfrytëzon më së miri një assist të Kostiç dhe dyfishon shifrat. Gjuajtja e tij nga larg është mjaft e bukur dhe gjen vetëm fundin e rrjetës. Serbi Kostiç do ishte në mbrëmjen e tij më të mirë. 29-vjeçari merrte topi mirë në minutën e 67-të dhe me një goditje interesante tokazi, do vriste përfundimisht shpresat e kundërshtarëve.
Në një stadium të dominuar nga tifozët gjermanë, plot 30 mijë të tillë, miqtë shokuan me dy gola të shpejtë Barçën ku Kostiç me penallti në 4’ dhe Borre në 36’ shtruan rrugën e fitores. Në pjesën e dytë serish Kostiç ishte ai që vulosi kualifikimin ndërsa golin e nderit e realizoi Busquets në 91’.
Kujtohet shumë vonë ekipi blaugrana pasi edhe në minutën e 9’ shtesë, Depay shënon duke shkurtuar diferencën por nuk ka më kohë. 3-2 për Eintracht dhe një kualifikim i merituar dhe tashmë në gjysmëfinale gjermanët do të kenë Ëest Ham përballë.
