Kriminelët shqiptarë në Britani të Madhe janë duke shfaqur pasurinë e tyre e duke bërë selfie së bashku me mijëra funte kesh, shkruan “The Sun”. Kriminelë të ndryshëm të shtetit të varfër të Ballkanit, po mburren në mediat sociale duke treguar se janë të lumtur që do të kthehen në shtëpi me fitimet e tyre. Disa madje kanë fotografuar vetveten pasi kanë arritur në këtë vend, suksesin.
Agjencia Kombëtare e Krimit në Britani e ka quajtur fluksin një kërcënim të madh për shkak të lidhjeve të drejtpërdrejta të kriminelëve me Amerikën Jugore dhe rrjetet e trafikimit seksual.
“Grupet shqiptare të krimit kanë krijuar një profil me ndikim të lartë brenda krimit të organizuar në Mbretërinë e Bashkuar”, shkruan “The Sun”.
Olsi Behluli, i cili është duke bërë 11 vjet burg për posedim të heroinës dhe kokainës në vlerë prej 4 milionë funtash. Fotografia e “aktorit” 24 vjeç, rrethuar me plotë 250 mijë funte, është zbuluar nga policia.
Luan Plakici, i cili është duke bërë 23 vjet burg për kontrabandimin e 60 grave në prostitucion, është parë të mbajë një pako shënimesh nën divanin e tij, shkruan “The Sun”.
Ardi Beshiri, u burgos kur në çorapet e tij u gjet kokainë, dhe një grumbull parash iu gjet ndërsa e mbante në shpatullën e tij. Në një imazh tjetër shfaqet, Bes Besiajn i cili përpiqet të “hante” një grumbull të madh të hollash.
