“The Sun” ka zbuluar procesin se si emigrantët shqiptarë mbërrijnë në Angli falë kontrabandistëve.
Sipas të përditshmes angleze tashmë me 900 paund, emigrantët e paligjshëm mund të sigurojnë hyrjen në Mbretërinë e Bashkuar duke fluturuar me “business-class”.
“Hetimet tona kanë zbuluar se dy pilotë anglezë u arrestuan këtë muaj pasi u përpoqën të fusnin në Angli 14 shqiptarë, përfshi 3 fëmijë.
Avioni që ata përdornin, ishte të paktën i treti që u ndalua këtë vit, edhe pse zyrtarët besojnë se kjo është vetëm maja e ajsbergut, duke pasur parasysh qindra emigrantët që rreshtohen për fluturime në aeroplanë të mbingarkuar.
Trafikantët janë gjithnjë e më të dëshpëruar për shkak të kontrolleve më të ashpra nga policia tashmë. Disa prej emigrantëve janë përgatitur të paguajnë më shumë për të garantuar hyrjen në Angli. Kushton shumë para për të drejtuar një avion të vogël,” tha shefi i Policisë Kufitare në Britaninë e Madhe, Toni Smith.
Dy pilotët e arrestuar anglezë kishin planifikuar të ngarkonin 14 emigrantë në një aeroplan me 6 vende. Por zyrtarët ishin informuar për këtë dhe po prisnin të bënin arrestimin e pilotëve, njëri 47 e tjetri 62 vjeç.
