Një 47-vjeçar është arrestuar në Nice, Francë, pasi dyshohet si i përfshirë në sulmin e djeshmëm, ku mbetën të vdekur tre persona.
Ai dyshohet të ketë pasur komunikim me autorin e sulmit me thikë në një kishë, njoftoi BFM TV, duke cituar një burim policie.
Ditën e djeshme, një tunizian që mbante një thikë dhe thirri “Allah Akbar” theri tre persona para se të plagosej dhe arrestohej nga policia.
Një grua 44-vjeçare braziliane është midis tre të vdekurve në sulm. Ajo është nënë e tre fëmijëve, banuese në Francë. Viktimat e tjera ishin një grua 60-vjeçare dhe një punëtor 55-vjeçar i kishës, baba i dy fëmijëve.
