Njëri nga katër personat e dërguar në Qendrën Klinike dhe Universitare të Kosovës ka ndërruar jetë.
Pak minuta më parë një ngjarje e rëndë tronditi Prishtinën, ku një person me kallashnikov plagosi katër persona.
Raportohet se njëri nga të plagosurit nuk ka mundur t’u mbijetojë plagëve të marra.
Vdekjen e tij e ka konfirmuar për Gazeta Express, zëdhënësi i QKUK-së, Shpend Fazliu.
“4 persona kanë ardhur në emergjencë, përkundër kujdesit maksimal nga stafi mjekësor, 1 ka vdekë nuk ka arritë me mbijetu. 3 të tjerët janë duke u ekzaminuar nga stafi mjekësor i Klinikës Emergjente”, shprehet Fazliu.
