Një sulm me armë zjarri ka ndodhur mbrëmjen e së hënës në Bruksel, ku një person i armatosur me kallashnikov ka hapur zjarr ndaj një grupi të tifozëve suedezë.
Sulmi me armë ka ndodhur pak përpara ndeshjes Belgjikë-Suedi në kuadër të kualifikueseve për Euro2024.
Mediat raportojnë se personi, i veshur me një jelek portokalli ka thirrur “Allah Akbar” dhe ka qëlluar me armë zjarri kallashnikov drejt qytetarëve.
Të paktën dy persona, të veshur me fanellat e kombëtares suedeze raportohet se kanë mbetur të vrarë.
Raportohet se autori nuk është arrestuar ende nga policia, ndërsa në rrjetet sociale është dhënë alarmi se ai i është drejtuar stadiumit.
Nuk dihet nëse sulmi me armë ndaj tifozëve suedezë ka lidhje me djegien e Kur’anit në Suedi, gjë që shkaktoi reagime të forta, apo ka lidhje me alarmin e krijuar në disa shtete europiane pas kërcënimeve të Hamas dhe organizatave terroriste të lidhur me të.
A shooting has just taken place in Brussels, Belgium. pic.twitter.com/0lkepCOOFw
— Visegrád 24 (@visegrad24) October 16, 2023
