Kreu i anti-terrorit në Vjenë është pezulluar nga puna. Pezullimi i tij nga puna vjen pas sulmeve terroriste që goditën vendin disa ditë më parë.
Katër persona humbën jetën dhe 23 të tjerë janë plagosur si pasojë e sulmit me armë në kryeqytetin austriak. Terroristi i armatosur, një i ri me shtetësi austriake dhe maqedonase, u qëllua për vdekje nga policia.
Kujtojmë se sulmi terorist ndodhi më 2 nëntor pranë sinagogës në Seitenstettengasse, kur një burrë i armatosur rëndë, Kujtim Fejzullahi hapi zjarr ndaj njerëzve jashtë kafeneve dhe restoranteve.
Një numër i madh personash ishin duke shijuar pije dhe duke ngrënë jashtë para vendosjes së orës policore në mesnatë, ndërsa kufizimet austriake do të hynin në fuqi për të ndaluar rastet në rritje të koronavirusit.
