Kryeministri Edi Rama ka reaguar sërish sot në lidhje me lajmet për rreth sulmit kribenetik që pësuan mediat online të qeverisë pak ditë më parë. Duket se kryeministrit nuk i ka dalë e keqja me Top Channel, i cili publikoi një lajm kur thuhej se hakerat kanë kërkuar 30 mln dollarë në këmbim të e-Albania. Rama thotë se, TCH po spekulon pa pasur prova dhe kështu po tallet me publikun, për interesat e pronarit të media.
“Se cila është arsyeja që Top Channel vazhdon spekullon papërgjegjshmërisht, pa asnjë bazë, provë, fakt, mbi zhvillimet në frontin e luftës kibernetike, këtë nuk e di! Ndërkohë arsyeja pse mediat e një biznesmenit të kapur me evazion masiv bëjnë të njëjtën gjë, kuptohet më lehtë! Lajmi i mirë është se agresioni është zmbrapsur me sukses nga një superskuadër shqiptaro-amerikane, se asnjë e dhënë nuk është fshirë, se shërbimet publike janë kthyer në punë! Vazhdon operacioni i forcimit të mureve mbrojtëse dhe hetimit për identifikimin e sigurtë të agresorit!
E gjithë ngjarja do t’i raportohet publikut nga ekspertët, sapo të ndizet drita jeshile e përfundimit të proceseve shembullore që po kryhen nga superskuadra e angazhuar në këto operacione. Keqardhje e madhe për keqtrajtimin që i bëhet publikut për interesa pronarësh në media”, shprehet kryeministri,
Sakaq, kumtojmë se e-Albania është kthyer pjesërisht në funksion, të tjera foto qarkullojnë ku tregohet se hakerat kanë në dorë të dhëna të rëndësishme dhe kanë fshirë nga sistemi shumë të tjera.
