Presidenti ukrainas Volodymyr Zelensky i është përgjigjur lajmeve për disa shpërthime në të gjithë vendin këtë mëngjes, duke thënë se rusët “po përpiqen të na shkatërrojnë”.
“Të shkatërrojnë njerëzit tanë që janë duke fjetur në shtëpi në Zaporizhzhia. Duan të vrasin njerëzit që shkojnë të punojnë në Dnipro dhe Kiev. Alarmi ajror nuk ulet në të gjithë Ukrainën“, tha Zelensky.
Zelensky konfirmoi se ka “të vdekur dhe të plagosur” si rezultat i shpërthimeve të shumta që nisen mëngjesin e sotëm dhe që terrorizuan banorët e Kievit pas disa muajsh qetësie.
“Ka raketa që godasin. Fatkeqësisht, ka të vdekur dhe të plagosur. Ju lutemi kujdesuni për veten dhe të dashurit tuaj. Le të qëndrojmë dhe të jemi të fortë”, shtoi ai.
