Gjatë bombardimeve ruse ditwn e diel në Donetsk janë vrarë pesë persona, duke përfshirë dy fëmijë sipas asaj që ka shkruar në Telegram, Pavlo Kyrylenko, Guvernatori i Administratës Ushtarake Rajonale të Donetskut, transmetojnë mediat ukrainase.
Ndërkohë tre viktima raportohen në rajonin e Kharkiv dhe 14 të tjera u plagosën si rezultat i bombardimeve të vazhdueshme gjatë Pashkëve Ortodokse, një festë e madhe si në Rusi ashtu edhe në Ukrainë.
“Sot [24 Prill], kur të krishterët ortodoksë festojnë Ngjalljen e Krishtit, rusët vranë pesë persona në rajonin e Donetskut. Mes të vrarëve janë dy fëmijë, 5 dhe 14 vjeç, nga fshati Krasnohorivka i komunitetit Ocheretyn. Tre persona të tjerë vdiqën në Novoselivka dhe Novomykhailivka”, shkroi ai.
Ai shtoi se trupat ruse qëlluan përgjatë gjithë vijës së demarkacionit. Në veçanti, vendbanimet e komuniteteve Avdiivka, Ocheretyn dhe Svitlodar u vunë nën zjarr.
