Një grup tatimorësh kanë zbarkuar prej orësh në zyrat e SYRI TV me argumentin e kontrollit e kësaj media.
Ky sulm vjen menjëherë pasi policia shoqëroi disa gazetarë pas urdhërit publik të Ramës, Lleshit, Braçës dhe Xhaçkës për burgosjen e gazetarëve të SYRI.net.
Të gjitha këto deklarata morën shkas nga një lajm që e kishin pothuajse të gjitha mediat.
Drejtori i informacionit në Syri TV Bledian Koka ka treguar se çfarë ka ndodhur gjatë kontrollit në fjalë.
“Subjekti është i regjistruar me numërin seria përkatës. Atë që kërkuan, listën e punonjësve, e kërkuan, e gjetën, siç e kërkuan. Edi Rama pasi ta shohë këtë do të kërkojë një kontroll tjetër për kërkuar mbylljen e gojës Syri.net. Kjo është një dhimbje koke për zotin Rama. Ajo që na mbetet, është një shije e hidhur., Ne e dinim se ky nuk do të ishte një punë pa pengesa. I bëj një mesazh mediave simotra që u solidarizuan me ne duke mos thënë asgjë. Ne do të bëjmë të kundërtën. I garantoj të gjithë kolegët, ndryshe nga ju unë do të jem pranë jush. Nuk do të ketë medalje për punën tonë, na mjafton përkrahja e qytetarëve si për Syri.net apo Sy ri TV. Ne do të jemi gjithmonë përkrah qytetarëve, dhe jo përkrah qeverisë”, u shpreh Bledian Koka.
