Kryetari i Partisë së Lirisë, Ilir Meta denoncoi me pamje skandalin mjedisor që sipas tij po ndodh në Shijak, ku prej mëngjesit të së martës digjeshin tonelata me plehra.
Meta u shpreh më herët se ‘bashkia e Rilindjes’ helmon qytetarët duke bërë krime mjedisore. Ai ironizon duke thënë se për sa kohë lekët e inceneratorëve vidhen nga grupi kriminal, banorët terrorizohen të mos protestojnë.
“Edi Rama edhe të vjedh edhe të helmon!
Sot në Gjepalaj të Shijakut, atje ku Edi Rama helmon njerëzit duke djegur tonelata me plehra për tërë natën, në pabesi ndaj komunitetit. Shijaku, Romanati dhe Ndroqi, sikur ka ndodhur një sulm kimik.
Solidaritet me të gjithë komunitetin! Koha e të pabesëve po mbaron!”, shkruan Meta.
