Nëse fëmija prezantohet herët me produktet alergjike, si Kikiriku, atëherë do të shmangni mundësinë e një alergjie nga ky ushqim. Këtë teori e ka mbështetur së fundmi një studim shkencor.
Në vitin 2015, një studim pohoi se ekspozimi i hershëm ndaj produkteve alergjike mund të presë rrezikun e alergjisë me 80%.
Tani studiuesit thonë se mbrojtja ndaj alergjive mund të jetë e qëndrueshme – edhe kur ushqimet janë shmangur për një vit.
Studimi Neë England Journal of Medicine vrojtoi 550 fëmijë që konsideroheshin të prirur për të zhvilluar një alergji nga kikiriku.
Studimi i ri tregon se nëse një fëmijë ka konsumuar produkte kikiriku brenda 11 muajve të parë të jetës, pastaj në moshën pesë vjeçare ata mund të përballojë që të ndalojnë së ngrëni këtë ushqim tërësisht për një vit, dhe të mos shfaqin ndonjë alergji.
Mjekët thanë se pjesë e problemit është se njerëzit jetojnë në një “kulturë të frikës nga ushqimi”. “Besoj se kjo frikë nga alergjia ushqimore është bërë një profeci vetëpërmbushëse, për shkak se ushqimi është i përjashtuar nga dieta dhe, si rezultat, fëmija nuk arrin të zhvillojë tolerancën” tha një nga shkencëtarët për BBC News.
