Nga qeset e supermarketeve deri tek CD-të, të prodhuara nga dora e njeriut, kanë kontaminuar tashmë me mbeturina gjithë globin. Plastika po bëhet një shënues i një epoke të re gjeologjike, thuhet në një studim ndërkombëtar. Hulumtimi, i publikuar në revistën Anthropocene, tregon se asnjë pjesë e planetit nuk është më e lirë nga goditja e mbeturinave plastike.
“Rezultatet erdhën si një surprizë e vërtetë”, ka thënë autori kryesor i studimit, profesor Jan Zalasiewicz, i Universitetit Leicester. “Ne ishim të vetëdijshëm se njerëzit kanë bërë rritje të shumë llojeve të ndryshme të plastikës gjatë 70 viteve të fundit, por nuk kishim asnjë ide se sa larg kjo gjë kishte udhëtuar rrotull planetit. Plastika rezulton, që jo vetëm qarkullon nëpër oqeane, por është zhytur në pjesët më të thella të detrave. Kjo nuk është një shenjë se planeti ynë është në një gjendje të shëndetshme, përkundrazi është një alarm. ”
Pika e rëndësishme në lidhje me gjetjet e studimit është se paraqitja e plastikës tani duhet të konsiderohet si një shënues për një epoke të re. Zalasiewicz, kryetar i një grupi gjeologësh, vlerëson se aktivitetet e njerëzimit kanë informuar planetin në një epokë të re gjeologjike duke shënuar përfundimin e epokës “Holocenit” që filloi rreth 12,000 vjet më parë. Epoka e re është quajtur “Anthropocene” nga shkëncëtarët.
“Planeti ngadalë është duke u mbuluar në plastikë. Në total, më shumë se 300 milion ton plastikë është prodhuar çdo vit, cikli gjeologjik i plastikës dhe përdorimit të saj është një tregues stratigrafik i epokës Anthropocene, thuhet në artikullin e botuar në revistën shkencore me të njëjtën emër.
Përgatiti: 27.al
