Kreu i qeverisë Edi Rama ka publikuar një foto familjare në mbrëmjen e ndërrimit të viteve. “Anuloje ligjin”, ka qenë komenti më i shpeshtë që studentët kanë bërë në fotografinë e Ramës.
Por sipas tyre 800 komente që lidhen me ligjin, janë fshirë.
“Endri Fuga, na vjen keq qe nuk të la shefi të gëzosh si gjithë dynjaja. Gjynah se edhe ti punëtor i thjeshtë je, pastron “rrugët” dhe kujdesesh që AI të duket perëndia mbi tokë. Po si i fshive 800 komente në 3 të mëngjesit mër burr’! Puuu”.
“I bëmë 800 komente ku i kërkonim vetëm rrëzimin e ligjit për arsimit të lartë dhe Fuga na bëri bllok. Ai mendon se ne do lodhemi a mërzitemi, por ne do hapim facebook te tjerë, do bëjmë komente te tjera, do dalim në rrugë edhe më shumë, me thirrje e pankarta të reja. Ligji do të bjerë! Në 7 janar shihemi në rrugë, deri atëherë do e kemi luftën me Endrin në Facebook”, shkruajnë studentët.
