Lidhur me strategjinë e KE për Ballkanin Perendimor, kreu i Partisë për Drejtësi Integrim dhe Unitet, Shpëtim Idrizi ka deklaruar se përveç pjesëve pozitive, Shqipëria ka akoma për të bërë.
I ftuar në emsionin Top Show në Top Channel, Idrizi shtoi se Serbia dhe Mali i zi duket që janë më përpara në krahasim me Shqipërinë në këtë moment që po flasim.
“Pavarsisht një lloj skepticizmi dhe problemtikave të brendshme të Bashkimit Europian, në fund fare është inkurajuese që një proces zgjerimi ekziston edhe Ballkanin Perëndimor. Për sa i përket Shqipërisë përveç pjesëve pozitive, ajo që më bën përshtypje është që duhet të ndalojmë qartësisht për interesat tonë kombëtare.
Serbia dhe Mali i zi duket që janë më përpara në krahasim me Shqipërinë në këtë moment që po flasim, sepse në fund fare varet nga progresi i çdo lloj vendi dhe Shqipëria ka shumë për të bërë. Kur them për interesat kombëtarë ju e dini shumë mirë që Serbia ishte më mbrapa Shqipërisë. Le të themi se Kosova është një gur i rëndë i Serbisë.
Të gjithë deputetët kanë votuar për reformën në Drejtësi. Unë mendoj se të dyja palët nuk e duan zbatimin e saj. Për 4 muaj, është vështirë të ketë rezultate, kur ende që po flasim nuk janë ngritur institucionet e vetting-ut.”, është shprehur Idrizi.
