I kërkon qeverisë shqiptare informacion rreth hetimit për vrasjen e katër qytetarëve
Gjykata Evropiane për të Drejtat e Njeriut, i ka kërkuar zyrtarisht qeverisë shqiptare informacione mbi ecurine e procesit penal për ngjarjet e 21 janarit 2011. Kjo kërkesë vjen rreth 4 vite pas ankesës në Strasburg nga ana e familjarëve të Ziver Veizit, njërit prej viktimave të protestës.
Në ankesën drejtuar kësaj gjykate familjarët kanë shprehur pakënaqësinë se nuk u është dhënë mundësi të marrin pjesë në hetimin e çështjes, në gjykimin penal si dhe ankesën për mos dëgjimin e pretendimeve të familjarëve. Kjo ka ardhur pasi familjarët nuk kanë mundësinë të paguajnë tarifën e lartë gjyqësore., e sipas tyre ktu kemi të bëjmë me shkelje të rëndë të të drejtave të njeriut. Për të gjitha këto ankesa kërkohet përgjigje nga ana e palës shqiptare për të verifikuar pretendimet e familjarëve. Procesi gjyqësor ndaj të akuzuarve për ngjarjet e 21 Janarit, ka mbetur pezull që prej tetorit 2013. Vendimi përfundimtar nga drejtësia shqiptare është kusht kryesor për nisjen e procesit gjyqësor ne Gjykatën Europiane të të Drejtave të Njeriut.
