Kampionët fitojnë 6-0 ndaj Verder Bremenit. Levandovski e fillon me një tripletë, Myler njeriu asist, ndërsa Mynihu i Ançelotit nuk është më “tika-taka”
Bajernit të Munihut i mjaftuan vetëm 13 minuta për të hequr qafe Verder Bremenin, në ndeshjen e siparit të Bundesligës. Skudra e Ançelotit e ka filluar me një 6-0 në “Allians Arena”, fillimisht me një gol spektakolar të Ksavi Alononsos, që në të 9’ dhe katër minuta më vonë nga një tjetër i Levandovskit, i cili gjatë 90 minutëshit të hapjes tregoi se do të vazhdojë të jetë një bomber i frikshëm. Më pas, ndeshja ka vazhduar për kënaqësinë e bavarezëve që ishin në fushë dhe atyre të shkallëve. Sulmuesi polak shënoi sërish, një minutë pas fillimit të pjesës së dytë, ndërsa në minutat në vazhdim kishte gola edhe për Filip Lahm, Frenk Riberi dhe në të 77’ e mbyll po Levandivski me 11 metërsh. Kundërshtarët e Verderit e kishin shumë të vështirë të kalonin mesfushën e tyre, ndërsa për të kërcënuar portën e kundërshtarëve as që bëhej fjalë, aq sa Nojer për të larguar monotoninë shkëmbente topa me fëmijët që i mbanin pas portës së tij. Të gjithë golat e Bajernit erdhën nga aksione për katalog, të cilat kishin një njeri-asist, Mylerin, ndërkohë që nuk kishte më “tiki-taka”… në Bavari ka filluar “era Ançeloti”.
