Me mijëra persona kanë dalë në shesh në Stamboll në kuadër të manifestimit “Marshimi për Drejtësinë” i nisur 25 ditë më parë në Ankara.
Kjo insiativë u ndërmor nga Partia opozitare, e cila është një nga kundërshtarët më të fortë të presidentit Erdogan. Marshimi është organizuar për të protestuar kundër dënimit të një deputeti të opozitës i dënuar me 25 vite burg.
Ai akuzohet se i ka kaluar informacione të klasifikuara të përditshmes opozitare Cumhyrriet.
Drejtuesit e opozitës shprehen se bëhet fjalë për një nga marshimet më të mëdha të organizuara nga opozita kundër qeverisë së Erdogan që prej viti 2013.
Kujtojmë se në Stamboll zhvillohet kongresi Botëror i Naftës ku i pranishëm do të jetë edhe kryeministri Edi Rama.
