Gazeta prestigjoze e sportit në Spanjë Sport.es i ka kushtuar një artikull mbrojtësit shqiptar Elseid Hysaj. Ajo shkruan për periudhën e vështirë që pati familja e Hysaj në vitet ’90 dhe përpjekjet që bëri i ati i tij, për të plotësuar ëndrrën e madhe të të birit për t’u bërë futbollist
Në 2 shkurt 1994, Shkodër,lindi një që fëmijë i mrekullonte të gjithë që e shihnin me një top në këmbë. Ëndrra e një familjeje të tërë që jetonte me sigurinë se një ditë djali i tyre do të ishte një futbollist profesionist.
Kriza ekonomike dhe paqëndrueshmëria politike e Shqipërisë në vitet ’90 e shtynë Gëzim Hysajn, babain e Elseidit, të kërkojnë një të ardhme më të mirë në Itali. Dhe ndërsa babai punonte çfarëdo lloj pune të gjente, në shumë raste në formë të paligjshme, djali i tij stërvitej me një ekip në qytetin e lindjes.
Në një ditë pune si çdo tjetër, Gëzimi ndaloi në shtëpinë e Marco Piccioli-t, një agjenti Italian. Dhe kur Gzimi mori vesh profesionin e Piccioli—t nuk hezitoi t’i tregonte për aftësitë e djalit të tij. “Është akoma i ri, flasim pas katër vjetësh”, tha agjentti. Pa e humbur shpresën, Gzimi i mbajti kontaktet dhe kur Elseidi mbushi 14 vjeç thirri përsëri agjentin. Gjatë kësaj kohe, i riu shqiptar ishte cilësuar si një nga mbrojtësit më të mirë në ligën shqiptare të fubtollit për të rinjtë.
Piccioli organizoi një test me Fiorentinën, Hysaj e miratoi dhe klubi violë kërkoi të nënshkruante me të. Dhe teksa edhe në klubin Italian ardhja e tij u përball me probleme burokratike, skuadra e Empolit tregoi interes më të madh për të dhe e trasnferoi në vitin 2009.
Tek Empoli, Hysaj gjithnjë dallonte, la gjurmë aty që në moshën 16-vjeçare dhe nuk reshtte së rrituri profesionalisht. Në 2011 debutoi me ekipin e parë të kombëtares shqiptare dhe u bë lojtari i tretë më i ri që veshi fanellën kuqezi të Shqipërisë. Hysaj gjithashtu fitoi vendin e titullarit dhe besimin e Sarrit, që e mori edhe kur u bë trajner i Napolit.
Kështu, vetëm 22-vjeç, Hysaj u kthye në shtyllën e mbrojtjes së Napolit dhe tani edhe në kombëtaren shqiptare.
Mbrojtësi i djathtë po kryen një kampionat europian shumë të mirë pavarësisht humbjeve të Shqipërisë.
“Në moshën 17-vjeçare vura re se kishte ardhur koha të bëhesha futbollist profesionist, dhe kështu fillova të punoj shumë fort për këtë ëndërr,” tha vetë Hysaj para se të vinte në Francë.
