Spitali Rajon i Fierit i bën thirrje qytetarëve të cilët paraqiten në ambientet spitalore të jenë të pajisur me kartë identiteti ose pasaportë.
Në një postim në “Facebook”, spitali deklaron se nëse nuk kanë mjet identifikimi do të duhet të presin deri sa të verifikohen lëvizjet e tyre nga sistemi tims.
Postimi i plotë
THIRRJE PER TE GJITHE QYTETARET.
Në kuadër të masave të marra për parandalimin e përhapjes së COVID-19, Spitali Rajonal Fier u bën thirrje të gjithë qytetarëve të cilët paraqiten në Pranim Urgjencë, Pediatri apo Maternitet të jenë të pajisur me Karta Identiteti ose Pasaporta.
Shërbimi ndaj qytetarëve është primar, ndaj dhe bashkëpunimi është i domosdoshëm.
