Ministrja e Shtetit për Marrëdhëniet me Parlamentin, Elisa Spiropali, nga karrigia e Kuvendit, ka komentuar zgjedhjen e Sali Berishës në krye të Partisë Demokratike duke thënë se është futur në një rrugë qorre.
Gjithashtu, ministrja i është përgjigjur dhe akuzave se kryeministri Rama ka politizuar AMA, duke akuzuar Berishën se në kohën e tij në pushtet televizioneve iu bllokoheshin llogaritë dhe nuk ishin të lirë.
“Doktor, mendon se je zgjedhur dje në krye të PD në fakt ngjan gjithmonë e më shumë si një rrugë qorre, kudo që ti biesh do dalësh askund. Ke marrë me vete dhe ata të gjorët, i ke mbyllur PD cdo shteg. Ti për familjen tënde do të djegësh edhe partinë e lirinë. Kur flet ti për lirinë e medias uroj që të mos ulërijë njeri në këto parti, ti përmend Ramën, po Rama është simbol i gazetarit të dhunuar gjatë regjimit tat. Koha ka ikur me ikjen e Berishës, koha kur TV i viheshin shirita e u bllokoheshin llogaritë ka ikur me largimin tënd. Të gjitha të zezat që i kanë ndodhur lirisë së medias janë pjesë e damkës që të janë vënë ty, e habitshme se si flitet për një politizim të kryetares së AMA-së kur ka 10 vite që nuk futet në selinë e PS. Kur nënkryetarja është zgjedhur nga ju, e sollët ju propozimin. Hipokrizia shquhet nga ju, keni bëma të rënda në raport me median. S’dua të flas për zonjën Krasniqi, ka qenë drejtuese e ATSH, nuk na ka ne avokat mbrojtës. Kur të ngrihet një njeri i damkosur, o Flamur pse i rri kaq afër aty sa dukesh si shkopi i Flamurit, rri aty! Po zgjedhjet në parti i fitoi Luli, a doli aty dhe tha ja ku jemi beteja të reja na presin, beteja të reja sa kishin filluar për Lulin. Po për këtë paskeni luftuar të gjithë. Po mirë ti që na ke lënë po këta që janë gjallë”, tha Spiropali.
