Spartak Ngjela jo rrallë herë ka rrëmbyer vëmendjen e mediave rozë për shkak të komplimenteve të veçanta që ai lë në rrjetet e tij sociale por edhe në postimet e ndryshme të moderatorëve simpatike të ekranit.
Avokati, këtë herë është treguar dorëlëshuar, dhe ka rrëmbyer vëmendjen me një koment në një foto të postuar nga moderatorja e njohur në rrjetin e saj social Instagram, Bora Zemani.
Në komentin e tij, Ngjela e ka komplimentuar Zemanin për paraqitjen e jashtme duke e konsideruar atë ikonë absolute në ekranet shqiptare ku ajo ka marrë pjesë.
“Bora, ti tani je një ikonë absolute e bukurisë në ekranet e Shqipërisë. Prandaj, estetikisht, ke arritur të jesh si një kryevepër arti për një audiencë shumë të gjerë.”
Nga ana tjetër, ai gjithashtu e ka vazhduar komentin duke e përshëndetur si dhe ka shtuar se ajo ka vendosur sukses në Shqipëri, që do të mbetet gjatë si një memorie historike.
“Suksesi që keni vendosur në Shqipëri, për ju, do të mbetet si një memorie historike.
Ju përshëndes miqësisht.”
