Një sulm i dytë ka goditur Spanjën në orët e para të mëngjesit, ku pas hapjes së zjarrit me policinë kanë vdekur 5 të dyshuar si terroristë.
Ngjarja ndodhi në qytetin bregdetar “Cambrils”, rreth 120 larg sulmit të parë në Barcelonë ku humbën jetën 13 persona nga përplasja me një furgon.
Sipas mediave të huaja, ata ishin të pajisur me breza eksplosive. Gjashtë persona dhe një oficer policie janë plagosur pasi u goditën qëllimisht nga një makinë, ndërsa 2 prej tyre janë në gjendje të rëndë.
Ata u zbuluan nga forcat e policisë gjatë një kontrolli sigurie në zonën e portit, që është i populluar me turistë.
